Жарыяланган
2025-28-08, 16:08Президент Садыр Жапаров бүгүн, 28-августта Бишкек мэриясынын электробустарды жана газ менен жүрүүчү автобустарды тейлөө борборунун ачылышына катышты.
Жалпы аянты 4.7 гектар болгон аймакта оңдоочу жайлар, административдик-тиричилик корпусу, көмөкчү жайлар жана инфраструктуралык объектилер жайгашкан. Бул комплекс бир эле учурда 150 электробусту жана газ автобустарын тейлөөгө мүмкүнчүлүк берет — транспорттук жеткиликтүүлүктү, каттамдардагы өткөрүү жөндөмдүүлүгүн кыйла жогорулатат.
Президенттин айтымында, бул борбор — заманбап транспорттук өнүгүү, экологиялык таза шаар жана калктын ыңгайлуу каттамы үчүн маанилүү кадам.
“Акыркы эки жылда газ менен жүргөн 1000 ашуун автобус сатып алдык. Мындан ары да транспорттук паркты жаңылоону улантабыз. Бирок азыркы күндө транспорт гана эмес, экология маселеси да курчуй баштады. Калаа тургундарынын коомдук транспортун жакшыртуу менен катар шаардыктарга таза аба да өтө маанилүү. Мындай заманбап чечимдер – биздин келечекке болгон жоопкерчилигибиз!”, - деди Садыр Жапаров.
Ал ошондой эле бул борбор “2-депо” троллейбус токтомо жайы 1971-жылы курулуп пайдаланууга берилгенин эске салды. Азия өнүктүрүү банкынын колдоосу менен 120 жаңы электробус толугу менен алып келингенин, депонун толук оңдолуп, кубаттоочу инфратүзүм катары модернизацияланганын билдирди.
