Жарыяланган
2026-07-09, 11:59Ысык-Көлдүн Чолпон-Ата шаарындагы "Чолпон" кинотеатры оңдоп-түзөөдөн кийин ишке берилди. Бул тууралуу Кыргыз-Россия өнүктүрүү фонду билдирди.
"Чолпон" кинотеатры 1982-жылы салынып, андан бери бир да жолу оңдоо иштеринен өткөн эмес. 2022-жылы болсо ал жараксыз абалга келген: жылуулук системасы иштен чыгып, чатырынан суу агып, имараттын өзү авариялык абалган келген.
Оңдоп-түзөө иштеринин кийин кинотеатрдагы орундардын саны 200дөң 310 чейин көбөйтүлүп, жаңы заманбап жабдыктар орнотулган. Жылуулук систеамсы толук жаңырталган.
Жаңылоо иштерине каражат Кыргыз-Россия өнүктүрүү фонду тарабынан бөлүнүп берилген.
Белгилей кетсек, Кыргыз-Россия өнүктүрүү фонду "Атлант Синема" компаниясы менен келишим түзүп, анын алкагында өлкөдөгү алты кинотеатр оңдоло турган болгон. Кыргыз-Россия өнүктүрүү фонду оңдоп-түзөө иштерине 1.5 млн доллар каражат бөлүп бере турган болгон. Азыркы тапта алты кинотеатрдын ичинен төртөө (Баткен, Токмок, Кербен жана Чолпон-Атадагы) жаңыланды.
