Жарыяланган
2024-24-10, 12:12Бүгүн Жогорку Кеңештин жыйынында депутат Бактыбек Марипов дыйкандар кайра иштетүүчү ишканаларга сатып жаткан алманын баасына байланыштуу тынчсыздануусун билдирди.
Анын айтымында, дыйкандар алманын килограммын 2-3 сомдон гана алышса, ортомчулар 20-30 сомдон сатып жатышат. Баанын мындай айырмасы, депутаттын айтымында, адилетсиз атаандаштыктан жана айыл чарба өндүрүүчүлөрү үчүн жагымсыз шарттардан кабар берет.
Депутат азыркы кырдаал мамлекеттик органдардын чукул кийлигишүүсүн талап кылат деп эсептейт. Ал Суу чарба жана өнөр жай министрлигин дыйкандар өндүргөн продукцияга адилеттүү бааны алуусу үчүн экспорт маселесинде колдоо көрсөтүүгө чакырды.
Депутат ошондой эле Кыргызстандын өзүнүн түшүмү жетиштүү экенин жүйө келтирип, алманы импорттоого убактылуу тыюу салуу маселесин кароону сунуштады. Мариповдун айтымында, мындай чаралар ата мекендик дыйкандардын кызыкчылыгын коргоого жардам берет.
