ЕАӨБ Кыргызстанга 445 млн доллар инвестиция салды

Евразия өнүктүрүү банкынын (ЕАӨБ) Кыргызстандагы инвестицияларынын жалпы көлөмү 445 млн долларга жетти. Мындан тышкары, учурда дагы 300 млн долларга жакын долбоорлор каралып жатат. Бул тууралуу ЕАӨБ башкармалыгынын төрагасынын орун басары Руслан Даленов жыйынтыктоочу маалымат жыйынында билдирди.

Банк инвестициядан тышкары 5.1 млн доллар техникалык жардам көрсөткөн. Бул каражат долбоорлорду ишке ашырууга жана мекемелерди өнүктүрүүгө жумшалууда.

Акыркы жылдары ЕАӨБ Кыргызстанда төмөнкү ири долбоорлорду каржылады:

•    «Куланак» ГЭСи (Нарын дарыясында) — 44 млн доллар;
•    «Бишкек-Солар» күн электр станциясы — 180 млн доллар;
•    Кант цемент заводун жаңылоо — 49 млн доллар;
•    Ош шаарындагы жолдор — 14 млн доллар.

Азыр каралып жаткан долбоорлор өнөр жайга, энергетикага, айыл чарбага жана башка тармактарга тиешелүү.

Ошондой эле ЕАӨБ долбоорлорду даярдоого жардам берип, мамлекеттик-жеке өнөктөштүк боюнча окууларды өткөрүп, айрым мамлекеттик системаларды санариптештирүүгө колдоо көрсөтүүдө.