Жарыяланган
2026-13-08, 10:25Кара-Балта шаарынын айрым аймактарында абанын курамындагы азот кош кычкылынын деңгээли нормадан жогору экени аныкталды. Бул тууралуу Жаратылыш министрлиги билдирди.
Маалыматка ылайык, тургундардын кайрылууларынан кийин Кара-Балта шаарында жана Ново-Николаевка айылында атмосфералык абага мониторинг жүргүзүлгөн.
Кара-Балтанын 40 лет Киргизии көчөсүндө азот кош кычкылынын концентрациясы белгиленген чектен 3.9 эсе, ал эми Ново-Николаевка айылынын Москва көчөсүндө 1.9 эсе жогору болгон.
Калган текшерилген аймактарда абадагы зыяндуу заттардын көлөмү белгиленген чектен ашкан эмес.
Изилдөөнүн жыйынтыктары тиешелүү органдарга өткөрүлүп берилген.
