Жарыяланган
2024-03-12, 13:25Кыргызстан Түркияга кургатылган жемиштерди экспорттоону көбөйтөт. Бул тууралуу Экономика жана коммерция министрлигинен билдиришти.
Маалыматка ылайык, министрликтин Анкарадагы соода өкүлү Чыңгыз Токтобеков менен Түркиянын Ünal Kuruyemiş компаниясынын негиздөөчүсү Өмер Фарук Эрбилдин жолугушуусу өттү. Анын жыйынтыгы менен Кыргызстандын Соода өкүлчүлүгү өлкөнүн кургатылган жемиштерди өндүрүүчүлөрүнүн бизнес сунуштарын түркиялык компаниянын кароосуна берүүнү макулдашты.
Эгер кыргызстандык экспортчулар кызыктар болсо Ünal Kuruyemiş компаниясы фасоль, чечевица, кургатылган өрүк, кургатылган кара өрүк жана башка кургатылган жемиштерди сатуу боюнча келишимдерди түзүүгө даяр.
Ünal Kuruyemiş компаниясы 1956-жылы Анкарада негизделген. Ал кургатылган жемиштерди жана жаңсоолорду өндүрүү жана сатуу менен алектенет. Бүгүнкү күндө ишкана Түркия боюнча 60 филиалга ээ жана Европа өлкөлөрүндө дагы бир нече филиалдары бар.
