Жарыяланган
2025-08-09, 15:118-сентябрда Экономика министринин орун басары Султан Ахматов Чыгыш экономикалык форумунда сүйлөп, электрондук соода Кыргызстан үчүн экспортту кеңейтүүнүн жана чакан, орто бизнести өнүктүрүүнүн негизги куралы болуп жатканын белгиледи.
2030-жылга чейинки өнүктүрүү программасынын алкагында Кыргызстанда 1 млн чарчы метрден кем эмес кампалык жайлар курулушу пландалууда. Муну менен катар, Кытай—Кыргызстан—Өзбекстан темир жолу аркылуу заманбап транспорттук жана логистикалык коридор түзүлөт.
Мындан тышкары, Кыргызстан Wildberries компаниясы менен биргеликте заманбап логистикалык борбор куруу долбоорун баштады. Бул чечимдер электрондук сооданын жылдык өсүшүн 14% деңгээлине жеткирүү мүмкүнчүлүгүн берет.
Султан Ахматов Кыргызстан санарип соода инфраструктурасын активдүү өнүктүрүп жатканын жана эл аралык кызматташууга ачык экенин белгиледи.
