Жарыяланган
2026-12-05, 17:222026-жылдын 18–27-май күндөрү Улуттук госпиталда Кытайдын офтальмолог дарыгерлери бейтаптарды акысыз текшерип, катаракта боюнча операцияларды жүргүзүшөт.
Иш-чара «Экспресс-ден соолук — жаркын саякат» эл аралык долбоорунун алкагында өтөт. Долбоордун алкагында катаракта диагнозу коюлган бейтаптарга 300 операция жасоо пландалууда. Операциялар амбулатордук негизде жүргүзүлөт.
Бейтаптарды каттоо 2026-жылдын 12-майынан 18-майына чейин жүргүзүлөт. Каттоо иш күндөрү саат 09:00дөн 16:00гө чейин кабыл алынат.
Катталуу үчүн төмөнкү документтер талап кылынат:
• жашаган жери боюнча Үй-бүлөлүк медицина борборунан офтальмологдун жолдомосу;
• көкүрөк органдарынын рентгенографиясы;
• ЭКГ;
• кандын жалпы анализи, кандагы канттын анализи жана зааранын жалпы анализи;
• В жана С гепатиттеринин маркерлери;
• 64 жашка чейинки бейтаптар үчүн RW анализи;
• өздүгүн тастыктаган документ жана бар болгон күбөлүктөр (пенсиялык, майыптык, «Баатыр эне» жана башка).
Байланыш телефону: 0 (555) 025-171. Дареги: Бишкек шаары, Тоголок Молдо көчөсү, 1.
