Жарыяланган
2026-05-03, 16:35Айыл чарба министрлиги жөнөкөй малдан да асыл тукум мал алууга болорун билдирди.
Министрлик белгилегендей, мамлекет бир жылдан бери малчыларга уйларды жасалма уруктандыруу үчүн "Швиц", "Симментал", "Голштино-фриз" жана "Абердин-ангус" породаларындагы асыл тукум малдардын уругун акысыз берип жатат.
Ошондуктан министрлик мүмкүнчүлүктү колдон чыгарбай, айыл жерлериндеги техник-уруктандыруучуга кайрылып, уйларды жасалма уруктандырууну сунуштайт.
Көптөрдү кызыктырган суроо:
Жасалма уруктандыруудан кийин туулган торпок канчалык асыл тукум болот?
Министрлик буга жөнөкөй мисал менен түшүндүрүүдө:
Эгерде сиз кадимки уюңузду асыл тукум буканын уругу менен уруктандырсаңыз:
1-туутта туулган торпок 50% асыл тукум болот. Ал торпок чоңойгондо, аны кайра асыл тукум буканын уругу менен уруктандырсаңыз:
2-тууттагы торпок 75% асыл тукум болот. Үчүнчү жолу дагы ушундай жол менен уруктандырсаңыз:
3-тууттагы торпок 95% асыл тукум болуп калат. Ал эми төртүнчү жолу асыл тукум буканын уругу менен уруктандырганда:
4-тууттагы торпок таза кандуу асыл тукум мал болуп эсептелет.
“Башкача айтканда, жыл сайын жасалма уруктандырууну колдонуу менен 3–4 муунда уйларыңыз толугу менен асыл тукум малга айланып кетет”, - деп белгилейт министрлик.
Асыл тукум мал:
• көбүрөөк сүт берет
• бат семирет
• баасы кымбат болот
• көбүрөөк киреше алып келет.
