
Жарыяланган
2026-18-02, 09:20Ош шаарында 580 ипотекалык турак үй куруу пландалууда. Бул тууралуу Ош шаарынын коллегиясында белгилүү болду.
Маалыматка ылайык, 2025-жылы Ош шаарында ипотекалык жана үлүштүк курулуш программаларынын алкагында жүздөгөн үй-бүлөлөр, анын ичинде мэриянын ипотекалык программасы менен 302 үй-бүлө турак жайга ээ болуп, ири шаар куруу долбоорлору башталды.
“Кунлунь” курулуш компаниясы тарабынан Ош шаарында “Эне-Сай” турак жай комплекси курулууда. Долбоордун жалпы баасы 26 млрд сомду түзөт. Учурда 106 турак үй курулуп, пайдаланууга берилген жана анда тургундар жашап жатышат.



