Жарыяланган
2026-21-04, 17:57Ош шаарында жалпы узундугу 10.6 чакырымды түзгөн Б.Осмонов көчөсү жаңыланып, жаңы айланма жол курулууда. Бул тууралуу шаар мэриясы билдирди.
Маалыматка ылайык, реконструкция Барсбек айлампасынан Касымбеков көчөсүнө чейинки аралыкта жүрүп жатат. Долбоор эки этап менен ишке ашырылууда.
Биринчи этапта Касымбеков көчөсүнөн Айтиев көчөсүнө чейинки 5 чакырым жол оңдолуп, май айынын аягына чейин пайдаланууга берилет. Калган бөлүгү жыл соңуна чейин толук бүткөрүлөт.
Долбоордун алкагында Айтиев менен Навои көчөлөрүнүн кесилишинде айланма жол курулуп, жаңы базарга жана борбордук базарга жетүүнү жеңилдеткен альтернативдүү жолдор түзүлүүдө.
