Жарыяланган
2025-09-09, 14:38Россия-Кыргыз өнүктүрүү фонду Жалал-Абаддагы “Жеңиш” борбордук паркын толук модернизациялоо долбоорун каржылоо келишимине кол койду.
Соңку он жыл ичинде Жалал-Абаддын калкы 25%дан ашык көбөйүүсү менен, сапаттуу, коопсуз жана заманбап эс алуу жайларынын зарылдыгы күч алууда.
«Бул мамлекеттик-жеке өнөктөштүк принциби менен ишке ашкан алгачкы долбоор. Аны ишке ашыруунун жардамы менен биз региондорду өнүктүрүп, коопсуз мейкиндиктерди түзүп, чакан жана орто бизнести стимулдаштырабыз. Паркта 125 жаңы жумуш орду түзүлүп, 30дан ашык заманбап аттракцион орнотулат», — деди РКӨФтүн төрагасы Артем Новиков.
Каржылоо ландшафттык дизайн, коопсуз аттракциондор, спорттук аянтчалар, жарыктандыруу жана видеокөзөмөл системаларын орнотууга жумшалат.
"Жеңиш" паркынын реконструкциясы эски инфраструктураны жаңыртып, шаар тургундары менен коноктор үчүн жаңы борбор түзүп, туризм менен инвестициялык мүмкүнчүлүктөрдү жогорулатат.
