Жарыяланган
2026-12-05, 16:04Кыргызстанда 1-майдан 10-майга чейин экологиялык жана техникалык коопсуздук боюнча 137 мыйзам бузуу фактысы аныкталып, өлкөнүн көлдөрү менен суу сактагычтарынан дээрлик 9 миң метр мыйзамсыз торлор чыгарылды.
10 күн ичинде суу түбүнөн алынган торлордун көлөмү төмөнкүдөй болду:
• Ысык-Көлдөн — 3 миң 700 метр;
• Токтогул суу сактагычынан — 2 миң 900 метр;
• Орто-Токой суу сактагычынан — 500 метр;
• Соң-Көлдөн — 300 метр;
• Киров суу сактагычынан — 1 миң 500 метр тор жана 300 килограмм таштанды.
2026-жылдын башынан бери инспекторлор суу түбүнөн жалпы 46 миң 300 метр эски синтетикалык торду жана 1 миң 60 килограмм таштандыны чыгарышты.
Мындан тышкары, суу биоресурстарын коргоо боюнча өткөрүлгөн 36 ири рейддин жыйынтыгында 416 миң 658 сом өлчөмүндө айып пул жана доо өндүрүүлөр салынды.
.
