Жарыяланган
2026-14-04, 11:49Талас шаарында 14-апрелден тарта бир нече көчөнүн айрым бөлүктөрү оңдоо иштерине жабылды. Бул тууралуу мэрия билдирди.
Мэрия айдоочуларды бара турган жолун алдын ала пландап алууну суранат.
Жабылган көчөлөр:
• Чыңгыз Айтматов көчөсү – Мырзалиевден Бердике Баатыр көчөсүнө чейин
• Атай Огонбаев көчөсү – Шеркуловдон Шамбетов көчөсүнө чейин
• Шамбетов көчөсү – Чыңгыз Айтматовдон Турдалиев көчөсүнө чейин
• Бердике Баатыр көчөсү – Алымкуловдон Чубак Сатаев көчөсүнө чейин
Мындан тышкары, Шеркулов көчөсүндө жол оңдоо иштери башталып, унаа кыймылы убактылуу жабылат.
Быйыл Талас шаарында жалпы 28.75 чакырым жолду асфальттоо пландалган.
