Жарыяланган
2026-20-02, 14:29Жол кыймылынын коопсуздугун камсыздоо башкы башкармалыгы кызматтык кийимдерди сатып алуу боюнча тендер жарыялады. Маалымат Мамлекеттик сатып алуулар порталына жарыяланган.
Тендердин алкагында жалпы суммасы 10 млн 335 миң сомго күрмө, шым жана свитер сатып алуу пландалууда.
Көрсөтүлгөн бааларга салыктар менен жыйымдардын бардык түрлөрү, бажы алымдары, жеткирүү чыгымдары жана келишимдик милдеттенмелерди аткарууга байланышкан башка бардык чыгымдар камтылышы керек.
Тендердик сунуштарды кабыл алуу 25-февралда аяктайт.
Тендерде уткан компания кызматтык кийимдерди келишим түзүлгөндөн кийин 20 жумушчу күндүн ичинде Бишкек шаарынын Ч. Валиханов 1А дарегине жеткирип бериши керек.
