Бишкекте төрт миңден ашык вакансия сунушталат.

Эмгек, социалдык камсыздоо жана миграция министрлигинен билдиришкендей, 1-июлга карата Бишкек шаардык иш менен камсыз кылууга көмөктөшүү башкармалыгында 4 миң 408 бош орун бар. Иш берүүчүлөр талап кылган адистердин 74 пайызы жумушчу кесиптер.

Белгилеп кетсек, ордо калаада жалпысынан 4 миң 950 адам жумушсуз деген расмий статуска ээ, алар негизинен аялдар жана жаштар.