Бишкектин Эски аянтында бүгүн, 27-январда Ислам өнүктүрүү банкынын эсебинен сатылып алынган «Соболь» үлгүсүндөгү 21 тез жардам унаасын тапшыруу аземи болду.

[news 25996]

Бөлүштүрүү планына ылайык, Баткен облусундагы саламаттык сактоо мекемелерине - 9, Чүй облусундагы медициналык мекемелерге - 6, Талас облусуна - 2 тез жардам унаасы, Нарын облусуна - 3 жана Жалал-Абад облусуна бир тез жардам унаасы берилет.

Эске сала кетсек, Ислам өнүктүрүү банкы тарабынан 66 тез жардам унаасы тапшырылган. Буга чейин 9 автоунаа Ысык-Көл облусундагы саламаттык сактоо уюмдарына тапшырылса, 26 унаа Ош облусуна, ал эми Жалал-Абад облусуна 10 тез жардам унаасы берилген.