Ош шаардык Эмгек, социалдык камсыздоо жана миграция башкармалыгы жумуш издеген жарандар үчүн кесиптердин жарманкесин уюштурду. Бул тууралуу тиешелүү министрликтен билдирди.

Белгиленгендей, 45 компания экономиканын ар кайсы тармактарында 2 миңден ашуун бош жумуш орундарды тапшырышты. Ошондой эле, ишке орноштурууга көмөктөшүү, кесиптик даярдоо боюнча консультациялар, иш берүүчүлөр менен алгачкы маектешүүлөр жана ар кандай темадагы мастер-класстар уюштурулду.

Ага 1 миң 500дөн ашык жумушсуз жарандар, жаштар, ЖОЖдордун жана мектептердин бүтүрүүчүлөрү катышты.

Жарманке Миграция ресурстук борборунун колдоосу менен JIA Бизнес Ассоциациясы менен биргеликте уюштурулду.