Түштүк Корея Өзбекстанга 1 миллион долларлык медициналык каражаттар жүктөлгөн атайын учак жөнөттү. Бул тууралуу өзбек басылмалары кабарлашты.

Кыргызстанга донор-өлкөлөрдөн келген гумжардамдын тизмеси

Гуманитардык жүктүн 6,2 тонналык алгачкы партиясында 900 миң долларга бааланган заманбап медициналык жабдуулар, автоматтык механизмдеги медициналык керебеттер жана коронавирусту аныктоочу тест-системалар бар. Жүк «Uzbekistan Airways» компаниясынын чартердик учагы менен жеткирилди.

Мындан тышкары Өзбекстан Түштүк Кореянын Тышкы иштер министрлиги бөлгөн 250 миң долларга 20 миң даана коронавирусту аныктоочу тест-системаларды сатып алды.

Кореядан келген медициналык каражаттар менен жабдуулар Өзбекстанда карантиндик иш-чараларды уюштурууда, илдетти аныктоо жана дарылоодо, ошондой эле бейтаптардын саламаттыгын калыбына келтирүүдө пайдаланылат.