"Балага сүйүнчү" долбоору ишке киргенден бери 546 миң 975 адам каражат алган. Бул тууралуу Санариптик өнүктүрүү министрлигинин басма сөз кызматы билдирди

Белгилүү болгондой, 2021-жылдын 10 айында аймактык башкармалыктар тарабынан жөлөк пул алууга 123 миң 71 кайрылуу катталган.

"Мамлекет бул жөлөк пулду 2018-жылдын январь айынан баштап 4 миң сом өлчөмүндө төлөй баштаган. Эгерде бир убакта үч же андан көп бала төрөлсө, ар бир балага 50 миң сомдон төлөнөт", - деп айтылат маалыматта.