Akchabarsearch
    Кыргызстанда расмий түрдө эки банк жоюлду
    Сүрөт алынган жер: иллюстративное

    Жарыяланган

    2024-10-09, 15:56

    Кыргызстанда расмий түрдө эки банк жоюлду

    Учурда Кыргызстанда расмий түрдө 21 коммерциялык банк иштөөдө. Бир жыл мурун алардын саны 23 болчу.

    2024-жылдын 19-июнунда өлкөдө бир күндө эки банк ишин токтотту.  

    Тактап айтканда, “Аманбанк” ААК “Аман Кредит”  микрофинансылык компания катары расмий түрдө кайра каттоодон өттү. Ошондой эле, ушул эле күнү Пакистан Улуттук банкынын Бишкек филиалынын лицензиясы жокко чыгарылды.

    Белгилеп кетсек, Пакистандын Улуттук банкы 2020-жылдын ноябрь айында Борбор Азиядан, анын ичинде Кыргызстандан чыгып жатканын билдирген. Андан кийин банк “Акчабарга” берген маалыматында, рыноктон кетүү чечимин бизнес стратегиясынын өзгөрүшү менен байланыштырып, өзүн-өзү жоюу тууралуу маалыматты тастыктаган.

    Банктын өкүлү билдиргендей, кардарлар 2021-жылдын 28-февралына чейин банкты таап, ал жакка акча которууга же акчаларын алууга тийиш болгон.

    Банк Кыргызстандын рыногунан чыгууну чечкен учурда анын милдеттенмелери жана активдери 1,8 млрд сомду түзгөн. Пакистандын Улуттук банкындагы эсептерде жарандардын 976,8 млн сому жана банктардын жана башка финансы-кредиттик мекемелердин 975 миң сому топтолгон.

    Кийинчерээк бардык кардарлардын эсептери банк тарабынан бир тараптуу жабылып, кардарлардын эсептериндеги талап кылынбаган акчалар “Айыл Банкка” которулган.

    Банк өзүн-өзү жоюу процессин 2021-жылдын 28-февралынан тарта баштаган.

    Натыйжада КРнын Улуттук банкы Пакистан Улуттук банкынын Бишкектеги филиалын жоюуну ушул жылдын 19-июнунда баштаган. Башкача айтканда, процесс үч жылдан ашык убакытты алды.

    Тескерчисинче, "Аманбанк" боюнча чечим тезирээк ишке ашты. 2024-жылдын январь айынын аягында акционерлер кезексиз жыйында банкты микрофинансылык компания катары кайра каттоодон өткөрүү чечимин кабыл алышкан. Тиешелүү суроо-талап Улуттук банкка жөнөтүлүп, ал эми Улуттук банк беш айга жетпей кайра каттоону бекиткен.

    Белгилеп кетсек, бул эки банктын жалпы төлөнгөн уставдык капиталы 1 млрд 400,6 млн сомду түзсө, анын 800,6 млн сому “Аманбанкка” жана 600 млн сому Пакистандын Улуттук банкына туура келет.

    Банк секторунан эки банктын кетишине карабай, өлкөдөгү комбанктар төлөгөн уставдык капиталдын жалпы көлөмү төмөндөгөн жок.  Тескерисинче, ал өстү. Экинчи кварталдын жыйынтыгы боюнча бардык коммерциялык банктардын төлөнгөн капиталы 68 млрд 63,4 млн сомду түздү. Бул өлкөдө 23 банк иштеп турган биринчи кварталга салыштырмалуу 7 млрд 23,8 млн сомго көп. Коммерциялык банктардын жалпы уставдык капиталынын өсүшү анын бир эле учурда он сектордун катышуучуларынын көбөйүшү менен байланыштуу.

    Кошумчалай кетсек, 2019-2020-жылдары Кыргызстанда да ушундай эле жагдай болуп, эки банк рыноктон чыгып кеткен.  Алсак, “Чанг Ан Банк” ААК, “Аманбанк” сыяктуу 2019-жылдын сентябрында кайра каттоодон өтүп, микрофинансылык компания болуп калган. Ал эми “БТА Банк” “Бакай Банк” менен биригип, өз алдынча ишмердүүлүгүн токтоткон. 2019-жылдын октябрында Улуттук банк келишимди жактырган, бирок ал 2020-жылы аяктаган.


    Тектеш материалды окуу

    • Кыргыз банктарына киберкоопсуздук жетишпейт: ар бир экинчи сайт хакердик чабуулга алсыз

      Кыргызстандын банк секторунун санариптик абалына “жарака кетти”. Digital Resilience Association (DRA) жана TSARKA Kyrgyzstan тарабынан жүргүзүлгөн изилдөөгө ылайык, өлкөдөгү банктар менен микрофинансылык уюмдардын дээрлик жарымынын веб-сайттарында коопсуздуктун тынчсыздандырган деңгээли аныкталган
      2025-03-07 05:51:21
    • Кыргызстандагы банктар акча алмаштыруучу жайга айлануудабы?

      Акыркы беш жылда валюталык операциялар Кыргызстандын банктары үчүн негизги киреше булактарынын бирине айланды. Эгерде 2019-жылы алар банк системасынын жалпы кирешесинин болгону 4% тегерегин түзсө, 2024-жылы бул көрсөткүч 12.07%ке чейин өсүп, 33.3 миллиард сомду түздү. Чет өлкөлүк валюта менен операциялардан түшкөн киреше 19 эседен ашык көбөйдү.
      2025-18-06 06:34:01
    • QR-код колдонуу менен жүргүзүлгөн төлөмдөр рекорддук деңгээлге жетти

      Кыргызстан санариптик келечекке ишенимдүү кадам таштоодо: банкноттордун ордуна — смартфон, майда акчанын ордуна — QR-коддор. Накталай эмес операциялардын тез өсүшүнүн артында финансылык системанын ачыктыгына жана жеткиликтүүлүгүнө багытталган Улуттук банктын стратегиясы турат
      2025-17-06 08:06:46
    • «Керемет Банк» кардарлардын каражаттарынын 40%дан ашыгын жоготту

      Жыл башында эл аралык күн тартиби кыргызстандык банкирлердин күнүмдүк жашоосунун ажырагыс бөлүгүнө айланды. 15-январда АКШнын Каржы министрлигинин чет элдик активдерди көзөмөлдөө башкармалыгы (OFAC) санкциялык тизмесине уставдык капиталы боюнча эң ири банктардын бири (төртүнчү орун – 8 миллиард 698,7 миллион сом) “Керемет Банк” ААК киргенин жарыялады
      2025-09-06 11:29:18