Bakai Bank мамлекеттик сатып алууларды коштоо үчүн банктардын тизмесине кирди

2025-жылдын 21-майында Кыргыз Республикасынын Министрлер Кабинети мамлекеттик сатып алуулар боюнча келишимдерди банктык коштоону жүргүзүүгө ыйгарым укуктуу банктардын тизмеси жөнүндө токтомго кол койду. Bakai Bank бул тизмеге кирген алгачкы коммерциялык банктардын бири болду.

Бул статусту алуу Bakai Bank’тын ишенимдүү финансылык өнөктөш катары аброюн тастыктайт жана мамлекеттик, корпоративдик кардарлар менен иштөө үчүн жаңы мүмкүнчүлүктөрдү ачат.

Банктык келишимдерди коштоо деген эмне?

Банктык келишимдерди коштоо (БКК) – мамлекеттик сатып алуулардын аткарылышын ачык-айкын жана көзөмөлдөөнү камсыз кылган механизм. Бардык эсептешүүлөр ыйгарым укуктуу банкта ачылган атайын эсептер аркылуу жүргүзүлөт.

БККнын функциялары:

• Келишим боюнча эсептешүүлөр үчүн атайын эсептерди ачуу;
• Жеткирүүчүлөр менен биргелешип аткаруучулардын ортосундагы төлөмдөрдү көзөмөлдөө;
• Сатып алуучу уюмдарга отчёттуулук берүү;
• Мамлекеттик органдарды келишимдердин аткарылышынын жүрүшү тууралуу маалымдоо.

БККны ишке ашыруунун максаттары

Банктык коштоо механизми төмөнкүлөргө багытталган:

1. Мамлекеттик бюджеттин каражаттарын максаттуу пайдаланууну камсыз кылуу;
2. Финансылык жана салыктык тобокелдиктерди азайтуу;
3. Мамлекеттик сатып алуулардын ачык-айкындыгын жана натыйжалуулугун жогорулатуу. 

Процесске кимдер катышат?

• Кыргыз Республикасынын Финансы министрлиги – мамлекеттик сатып алуулар боюнча ыйгарым укуктуу орган;
• Ыйгарым укуктуу банк – Bakai Bank;
• Сатып алуучу уюмдар – мамлекеттик органдар, муниципалдык мекемелер, фонддор жана бюджеттик каражаттардын эсебинен түзүлгөн башка түзүмдөр;
• Жеткирүүчүлөр жана биргелешип аткаруучулар – Кыргыз Республикасынын же ЕАЭБ мамлекеттеринин резидент-юридикалык жактары, товарларды же кызматтарды жеткирүү боюнча келишим түзгөн тараптар.

Банктык коштоонун этаптары

1. Коштоого тийиштүү сатып алууну аныктоо;
2. Сатып алуу процедурасын өткөрүү;
3. Банк менен БКК боюнча келишим түзүү;
4. Келишимди түзүү жана аны банкка өткөрүп берүү;
5. Жеткирүүчү жана биргелешип аткаруучулар үчүн өзүнчө эсептерди ачуу;
6. Келишимдин алкагында эсептешүүлөрдү жүргүзүү;
7. Кардарга жана Финансы министрлигине отчёттуулук берүү;
8. БКК процедурасын аяктоо.

Bakai Bank — ишенимдүү өнөктөш

Bakai Bank’тын ыйгарым укуктуу банктардын тизмесине киргизилиши мамлекет тарабынан  болгон ишенимди ырастайт жана банктын бизнес, мамлекеттик түзүмдөр үчүн финансылык чечимдер чөйрөсүндөгү негизги оюнчу катары позициясын бекемдейт.

Банк эсептешүүлөрдү коопсуз жүргүзүүнү, операциялардын ачык-айкындыгын жана мыйзам талаптарына толук ылайык келишин камсыз кылууга даяр.

Bakai Bank — чындыгында маанилүү нерселер үчүн.