Жарыяланган
2026-30-01, 11:30Бүгүн, 30-январда Жогорку Кеңештин «Адилет Кыргызстан» депутаттык тобунун жыйынында эл өкүлү Рахат Жунушбаева Балыкчы–Бөкөнбаев–Каракол жолунун курулушу боюнча суроо узатты.
Ал жолдун айынан Ысык-Көлдүн түштүк жээгине барган туристтердин саны азайып жатканын айтты.
«Балыкчы менен Караколду байланыштырган жол быйыл бүтөбү? Быйыл туристтик сезонго карата жолдун курулушу бүткөрүлүшү керек. Жолдун азабынан Ысык-Көлдүн түштүк жээгине барган туристтердин саны азайып кетти», — деди Жунушбаев.
Транспорт жана коммуникациялар министринин биринчи орун басары Бекназар Базаралиев жолдун жарым бөлүгүндө курулуш иштери аяктаганын белгиледи. Анын айтымында, жолдун курулушу 31-августка чейин толугу менен бүтөт.
Ошондой эле ал учурда аталган тилкеде курулуш иштери улантылып жатканын кошумчалады.
