Жарыяланган
2026-30-04, 14:00Баткен облусунун Баткен районундагы Алтын-Бешик айыл өкмөтү Кыштут айылында 24 орундуу бир кабаттуу бала бакча куруу үчүн 18.1 млн сомдук тендер жарыялады. Бул тууралуу мамлекеттик сатып алуулар порталында маалымдалды.
Сунуштар 2026-жылдын 22-майына чейин кабыл алынат. Подрядчы ачык, эки пакеттүү конкурс аркылуу тандалат.
Каржылоо шарттарына ылайык, подрядчыга 10% аванс берилет, калган 90% каражат объект пайдаланууга берилгенден кийин төлөнөт.
Тендерге катышуу үчүн компаниялар кеминде ушундай көлөмдөгү бир окшош долбоорду ишке ашырган тажрыйбага ээ болушу керек. Ошондой эле жумушту баштоо үчүн кеминде 4 млн сом каржылык мүмкүнчүлүгү болушу талап кылынат.
Подрядчы курулуш бүткөндөн кийин бардык керектүү уруксат документтерин өзү камсыздоого милдеттүү. Долбоор боюнча кепилдик мөөнөтү 1 жыл деп белгиленген.
