Жарыяланган
2026-25-05, 12:50Быйыл республикалык бюджеттен “Капиталдык салымдар” беренеси боюнча саламаттык сактоо тармагына 696 млн сом каралган. Бул тууралуу Каржы министри Руслан Сүйүналиев “Ачык кабинет” иш-чарасынын алкагында журналисттерге айтты.
Бүгүнкү күнгө карата анын 401 млн сому каржыланып, план 57%дан ашык аткарылган.
Министрдин айтымында, жалпы республика боюнча 1 миң 300 объектти каржылоо пландалган. Бул багытка бюджеттен 49 млрд 680 млн сом каралган. Учурда каражаттардын 68%ы каржыланып бүттү.
Каржылоо курулуш иштерине, долбоордук-сметалык документтерди даярдоого жана капиталдык оңдоолорго багытталууда. Анын ичинде социалдык объекттер, саламаттык сактоо мекемелери, мектептер, ичүүчү жана сугат суу системалары жана башка объекттер бар.
