
Жарыяланган
2025-06-11, 13:38Бишкекте аялдамаларга унаа токтоткон айдоочуларга каршы рейд жүрүүдө. Бул тууралуу мэриянын басма сөз кызматы кабарлады.
Маалыматка ылайык, рейд "Шаардык жол-транспорттук инфратүзүм" ишканасы тарабынан аялдамаларга жана коомдук транспорттун алдына токтоп, кыймылга тоскоолдук жараткан унааларга каршы өткөрүлүүдө.
Мэрия айдоочуларды коомдук транспорттун жүрүшүнө тоскоолдук жаратпоого, аялдамаларга унаа токтотпоого чакырды.


