Жарыяланган
2026-23-10, 10:46Бишкектин Ленин районундагы Крупская көчөсүндө жаңы тротуар куруу иштери жүрүп жатат. Курулуш үчүн 450 чарчы метрге жакын муниципалдык жерди бошотуу иштери жүргүзүлүүдө. Бул тууралуу мэриядан билдиришти.
Тротуар Крупская көчөсүнүн Кустанай көчөсүнөн Гоголь көчөсүнө чейинки бөлүгүндө курулат.
Курулушка даярдык учурунда муниципалдык жерди ээлеп турган тосмолор жана башка объекттер аныкталган. Натыйжада 50гө жакын объекттин ээсине жерди бошотуу боюнча эскертүү берилген.
Учурда алардын жарымына жакыны тосмолорун өз ыктыяры менен алып салышкан. Калган тургундар менен түшүндүрүү иштери уланууда.
Азыркы тапта Кустанай көчөсүнөн Заводская көчөсүн көздөй бордюрларды орнотуу иштери жүрүп жатат.
