Жарыяланган
2026-27-08, 15:21Бишкектин Свердлов районундагы бир катар көчөлөрдүн жолдорун жана тротуарларын оңдоого 95 млн 306 миң сомдук тендер жарыяланды. Бул тууралуу маалымат мамлекеттик сатып алуулар порталында көрсөтүлгөн.
Тендерге катышуу үчүн сунуштарды 11-сентябрга чейин тапшыруу керек.
Оңдоо иштери төмөнкү даректерде жүргүзүлөт:
• Келечек-1 көчөсү — 7 млн 46 миң 863 сом;
• Борбордук көчө — тротуарды оңдоо, 10 млн 154 миң 216 сом;
• Куренкеев көчөсү — 7 млн 171 миң 483 сом;
• Новосельская көчөсү — 20 млн 987 миң 86 сом;
• Артемовская көчөсү — 3 млн 136 миң 899 сом;
• Токтогул жана Осмонкул көчөлөрү — тротуарларды оңдоо, 3 млн 913 миң 139 сом;
• Молдавский тилкеси — 7 млн 369 миң 142 сом;
• Маяковский көчөсү — 19 млн 589 миң 143 сом;
• Осмонкул көчөсү — 15 млн 938 миң 310 сом.
Подрядчынын жол курууга керектүү атайын техникалары жана ушул сыяктуу иштерди аткарган тажрыйбасы болушу керек.
Оңдолгон жолдорго 3 жылдык кепилдик берилет. Кепилдик мөөнөтүндө кемчиликтер аныкталса, подрядчы аларды 10 жумушчу күндүн ичинде оңдоого тийиш.
