Жарыяланган
2025-29-05, 17:22Быйыл Кыргызстанда чекене сооданын көлөмү (унаа жана мотоциклдерди эске албаганда) 2024-жылдын төрт айына караганда дээрлик 22%га өскөн. Өлкөдө январдан апрель айына чейин 164.8 млрд сомго товар сатылган.
Мындай өсүш Жалал-Абадды кошпогондо (бул облуста сатуулар 3%га азайган), калган бардык аймактарда болгон.
Сатуулар эң көп Ош (42%) жана Чүй облустарында (27%), ошондой эле Бишкекте (28%) өскөн.
Сатып алынган товарлардын ичинен акчанын көбү же 54.5%ы азык-түлүккө кеткен. Калганы кийим-кече, турмуш-тиричилик техникасы жана башка товарларга сарпталган.
