Жарыяланган
2025-31-05, 09:09Министрлер кабинетинин төрагасынын биринчи орун басары Данияр Амангелдиев менен Казакстанстандын премьер-министринин орун басары – экономика министри Серик Жумангарин менен жолугушту. Бул тууралуу өкмөттүн маалымат кызматы билдирди.
Жолугушууда кыргыз-казак кызматташтыгын мындан ары өнүктүрүү, анын ичинде соода-экономикалык мамилелерди, инвестициялык долбоорлорду жана эки тараптуу иш-чараларды даярдоо маселелери талкууланган.
Амангелдиев эки өлкөнүн алакасы стратегиялык өнөктөштүктүн негизинде өнүгүп келе жатканын билдирген.
Өз кезегинде Серик Жумангарин өлкөлөр ортосунда өкмөттөр аралык кызматташуу жемиштүү өнүгүп жатканын жана кыргыз-казак өкмөттөр аралык комиссиясынын кезектеги жыйыны быйыл Казакстанда өтөрүн белгилеген.
Тараптар соода-экономикалык кызматташуу маселелерин карап, 2030-жылга чейин эки тараптуу сооданы 3 миллиард долларга жеткирүү үчүн биргелешкен инвестициялык долбоорлорду ишке ашырууга даяр экенин ырасташкан.
