Жарыяланган
2025-13-10, 18:03Борбордук шайлоо комиссиясы (БШК) бюллетендерди басып чыгарууга акча коротпойт. Бул тууралуу БШКнын төрагасынын орун басары Абдыжапар Бекматов билдирди.
Бекматовдун айтымында, быйылкы парламенттик шайлоодо алар бюллетендерди басмаканага буйрутма берип жасатпайт. Ага акча коротулбайт.
БШК быйылкы шайлоодо бюллетендерди өздөрү чыгара турган болгон. Шайлоо тилкесине добуш бергени келген жарандарга бюллетень дароо ошол жерден чыгарып берилет.
Бекматов бюллетендер үчүн керектүү материалдарды сатып алганга канча акча кетерин айткан жок. Ал азырынча смета бекитиле элек экенин билдирди.
Белгилей кетсек, буга чейин БШК бюллетендер үчүн кагаз жана картридждерди сатып алууга 87 млн 396 миң сомго тендер жарыялаган.
Тендер 15-октябрда аяктайт.
