Жарыяланган
2026-27-05, 09:57Мамлекеттик чек ара кызматынын №2063 аскер бөлүгү күйүүчү май сатып алууга 47 млн 328 миң 400 сомдук тендер жарыялады. Бул тууралуу мамлекеттик сатып алуулар порталында маалымдалды.
Сунуштар 2026-жылдын 1-июнуна чейин кабыл алынат.
Тендердин алкагында бензин Аи-95, бензин Аи-92 жана дизель отуну (жайкы түрү) сатып алынат. Күйүүчү май Бишкек жана Ош шаарларындагы аскер бөлүктөрүнө жеткирилет.
Жеткирүү келишим түзүлгөндөн кийин 10 жумушчу күндүн ичинде аткарылышы керек.
Тендерге катышуучу компанияларда күйүүчү май сатуу тажрыйбасы, Кыргызстан боюнча май куюучу жайлар тармагы жана салык жана социалдык төлөмдөр боюнча карызы жок экенин тастыктаган документтер болушу талап кылынат.
Төлөм товар толук жеткирилгенден кийин жүргүзүлөт.
Эскерте кетсек, буга чейин дагы бул боюнча тендер жарыяланган, бирок жеткирүүчү табылбагандыктан кайрадан тендер жарыяланды.
