Жарыяланган
2026-04-08, 10:21Чоң-Алай районуна караштуу Жайылма айылындагы мектепти оңдоо үчүн тендер жарыяланды. Бул тууралуу маалымат мамлекеттик сатып алуулар порталында көрсөтүлгөн.
Маалыматка ылайык, тендерди Кашка-Суу айыл өкмөтү жарыялаган. Бул долбоорго 18 млн 323 миң сом бөлүү пландалууда.
Тендерге катышууну каалагандар сунуштарын 2026-жылдын 18-августуна чейин тапшырышы керек.
Катышуучулар акыркы жылдары аткарган иштери боюнча маалымат берүүгө жана жетиштүү каражаты бар экенин тастыктоого тийиш.
Подрядчы компания аткарылган иштерге 2 жылдык кепилдик берүүгө милдеттүү. Ушул убакыт ичинде кемчиликтер аныкталса, компания аны 3 күндүн ичинде оңдоп бериши керек.
