Жарыяланган
2025-08-08, 17:27Быйыл Арашан – Чуңкурчак жолунун 22 чакырымы асфальтталып, Чуңкурчак эс алуу борборуна барган жол оңдолот. Бул тууралуу Транспорт министрлиги билдирди.
Учурда аталган жолдо суу өткөргөн түтүктөрдү орнотуу, бак-дарактарды кыюу, жол негизин даярдоо жана кеңейтүү иштери жүрүүдө. Жолдун 6-18-чакырымындагы көпүрөлөрдүн реконструкциясы башталып, айдоочулар үчүн убактылуу айланма жол салынууда.
Курулуш иштеринин алкагында 2 чоң көпүрө, 46 суу өткөрүүчү түтүк, жол өткөн айылдарда тротуар жана аялдамалар салынат. Жумушту убагында бүткөрүү үчүн курулушка жакын жерде асфальт-бетон заводу орнотулууда.
Жол быйыл толугу менен асфальтталып, ишке берилет.
