Жарыяланган
2025-31-03, 18:06“ЭлКат” эл аралык байланыш оператору толугу мамлекеттин менчигине өттү. Бул тууралуу президенттин иш башкармалыгынын башчысы Каныбек Туманбаев билдирди.
Анын айтымында, “ЭлКат” 1994-жылы мамлекеттик-жеке менчик түрүндө негизделип, анда акцияларынын 51 пайызы мамлекетке таандык болгон. Бирок, 2006-2007-жылдардагы мыйзамсыз аракеттердин натыйжасында мамлекеттин үлүшү жоголуп, компания толугу менен жеке менчикке өтүп кеткен.
“Ири банктарда “ЭлКаттын” 1 млн 200 миң долларга жакын карызы бар экен. Жаңы убактылуу жетекчи дайындалгандан кийин бүгүнкү күндө мамлекет тарабынан ал каражат толук төлөнүп, бардык карыздар жабылды. Президенттин тапшырмасына ылайык быйылкы жылга чоң пландар коюлду. Биз 2025-жылы 1,5 миллиарддан 2 миллиардга чейин киреше алууну көздөп жатабыз”, - деди Туманбаев.
"ЭлКаттын" жаңы жетекчиси болуп Нурадил Баясов дайындалганы маалым болду.
