Жарыяланган
2024-02-09, 15:132024-жылдын 2-сентябрында “Мамлекеттик өнүктүрүү банкы” ААКнын акционерлеринин жалпы чогулушу өттү. Бул тууралуу Кыргыз фондулук биржасынын сайтына жарыяланды.
Жыйындын жүрүшүндө жалгыз акционер төмөнкү чечимдерди кабыл алды.
Биринчиден, банктын уставдык капиталын 1 миллиард сомго, 18 миллиард 700 миллион сомдон 19 миллиард 700 миллион сомго чейин көбөйтүү чечими кабыл алынды. Ошондой эле банктын жүгүртүүдөгү жөнөкөй акцияларынын санын 1 миллион нускага көбөйтүү чечими кабыл алынды, ал эми бир акциянын жайгаштыруу баасы 1 миң сомду түзөт. Жаңы акцияларды жайгаштыруунун тартиби жана шарттары бекитилди.
Экинчиден, жыйында “Мамлекеттик өнүктүрүү банкы” АКнын уставы жаңы редакцияда бекитилди жана юстиция органдарында банкты мамлекеттик кайра каттоодон өткөрүү жол-жобосун жүргүзүү чечими кабыл алынды.
