Жарыяланган
2025-25-08, 16:42Балыкчы шаарында жайгашкан «Ынтымак» ААКнын (мурдагы Балыкчы жашылча-жемиш совхоз-комбинаты) жерлерин менчиктештирүүнүн мыйзамдуулугу боюнча текшерүү иштери жүргүзүлдү. Бул тууралуу УКМК билдирди.
Атайын кызматтын маалыматы боюнча, аталган акционердик коом тарабынан Ысык-Көл районунун Ананьево жана Григорьевка айылдарында жайгашкан, жалпы аянты 35.4 гектар болгон көп жылдык бак-дарактары бар жерлерге мыйзамсыз жол менен менчик укугу (кызыл китеп) алынгандыгы аныкталган.
Бул жер тилкелери 2000-жылы Ысык-Көл райондук администрациянын 2000-жылдын 3-майындагы токтомунун негизинде мыйзам бузуу жолу менен берилгени маалым болду.
Натыйжада, ыкчам-иликтөө иштеринин негизинде жерлер мамлекеттин менчигине кайтарылды.
