Жарыяланган
2025-20-10, 16:28Чүй облусунун Панфилов районундагы Кайыңды шаарында жайгашкан бала бакча менен маданият үйү мамлекетке кайтарылды. Бул тууралуу УКМК билдирди.
Маалыматка ылайык, 1999-жылы аталган объектилер мыйзамсыз түрдө «А.В.Ш.» аттуу жаранга өткөрүлүп берилгени аныкталган.
Текшерүү иштеринин жүрүшүндө ал адам жалпы аянты 2 миң гектардан ашкан социалдык объектилерди мыйзамсыз менчиктештиргенин моюнуна алып, алардын катарында 641 млн 449 миң сомго бааланган 1,25 гектар жер тилкесин да Кайыңды шаарынын балансына өз ыктыяры менен өткөрүп берди.
