Жарыяланган
2025-14-05, 16:08Жалал-Абад облусунун Кара-Көл шаарында "Электр станциялар" ишканасынын жаңы эки кабаттуу административдик имаратынын курулушу кызуу жүрүүдө. Бул тууралуу Энергетика министрлиги билдирди.
Маалыматка ылайык, курулуш иштерин тендер менен тандап алынган "Ихтур-Юг" компаниясы жүргүзүүдө.
Имарат 2024 жылы сентябрда салына баштаган. Учурда курулуш иштеринин 70% пайызы бүткөрүлдү.
"Жаңы заманбап стилде салынып жаткан административдик имараттын аянты 984.6 чарчы метрди түзүп, 80-90 кызматкерге ылайыкташтырылган. Имарат толугу менен бүтөрүлгөндөн кийин жумушчулар үчүн баардык шарттар түзүлөт", - деп айтылат маалыматта.
Жаңы имаратты 30-августта пайдаланууга берүү пландалууда.
