Жарыяланган
2025-14-05, 15:12АКШнын Грин карт (Green Card) лотереясын уткандардын саны боюнча Өзбекстан дүйнөдө биринчи орунду ээледи.
Грин-картты Өзбекстандын 5564 жараны уткан. Экинчи орунда Алжир – 5526 киши, үчүнчү орунда Россия – 5519 адам.
Өзбекстан дүйнөдө, анын ичинде Борбор Азияда биринчи болсо, Кыргызстан экинчи орунда турат. Грин картты 3095 кыргызстандык уткан. Тажикстанда – 2982, Түркмөнстанда 2010 жана Казакстанда – 2004 адам грин карттын ээси болгон.
Грин-карт (Green Card) – чет элдик жаранга АКШда жашаганга уруксат берген документ. Анын ээси Америкада окуп, иштеп, мамлекеттик жеңилдиктерди ала алат. Ошондой эле Грин карт уткан жаранга АКШнын жарандыгын алууга жеңил болот.
