Жарыяланган
2026-16-01, 11:49Быйыл 15-январда Каржы министрлиги 12 айлык мамлекеттик казыналык облигацияларын жайгаштыруу аркылуу 160.3 млн сом карыз алды. Бул тууралуу Кыргыз фондулук биржасынын сайтында айтылат.
Министрлик 150 млн сом алууну көздөгөн, бирок суроо-талап 160.3 млн сомго чейин жеткен.
Бул баалуу кагаздар боюнча орточо кирешелүүлүк жылына 10.5%ды түзүп, өткөн жылдын 4-сентябрында өткөн аукциондогу көрсөткүч менен бирдей болду.
Эскерте кетсек, бул быйылкы жылдын биринчи аукциону болуп, мамлекет алгачкы жолу ички карыз алды. 12-январга карата бир жылдык баалуу кагаздар боюнча жалпы карыз 2.98 млрд сомду түзөт.
