Жарыяланган
2026-13-03, 14:27Министрлер кабинетинин төрагасы Адылбек Касымалиев Ысык-Көл облусуна болгон жумушчу сапарынын алкагында бир катар медициналык мекемелердин абалы менен таанышып, жаңы курулуш жана модернизациялоо боюнча тапшырмалар берди. Бул тууралуу министрлер кабинетинин басма сөз кызматынан билдиришти.
Касымалиев облустук бириккен оорукана, 350 орундуу жаңы оорукананын курулушу, эл аралык медициналык кластер долбоору, чумага каршы бөлүм жана облустук соттук-медициналык экспертиза бюросу менен таанышты. Ал бардык мекемелердин инфраструктурасын жаңыртуу, заманбап жабдуулар менен камсыздоо жана курулуш иштерин өз убагында жана сапаттуу бүтүрүү боюнча тиешелүү органдарга конкреттүү тапшырмалар берди.
Ошондой эле сапар учурунда жаш дарыгерлерге батирлерди берүү жана кызматтык турак жай куруу, алдыңкы медициналык технологияларды колдонуу жана квалификациялуу адистерди даярдоо маселелери да каралды. Бул иш-чаралар облусдагы медициналык кызматтарды жакшыртууга багытталган.
