Жарыяланган
2026-15-06, 09:47Министрлер кабинетинин төрагасы Адылбек Касымалиев 16-17-июнда иш сапары менен Өзбекстандын Ташкент шаарына барат. Бул тууралуу өкмөттүн маалымат кызматы билдирди.
Иш сапарынын алкагында Касымалиев Ташкент инвестициялык V эл аралык форумуна катышып, пленардык жыйынында сөз сүйлөйт.
Иш-чаранын алкагында ал Өзбекстандын расмий жогорку кызмат адамдары менен эки тараптуу жолугушууларды өткөрөт.
Мындан тышкары, форумга катыша турган делегация башчылары менен биргеликте Борбор Азия эл аралык көргөзмө борборуна (Central Asian Expo) барып бизнес аянтчанын ишмердүүлүгү, ошондой эле Ислам цивилизациясынын борборунда тарыхый булактар менен таанышат.
