Жарыяланган
2026-22-05, 16:53Ысык-Көл районунда Кырчын жайлоосуна барчу жолдун 18 чакырымына асфальт төшөлдү. Бул тууралуу “Кыргызавтожол” мамлекеттик ишканасы билдирди.
Долбоор Мамлекеттик капиталдык салымдар беренесинин эсебинен каржыланып, анын алкагында Семёновка – Ак-Суу унаа жолунун 21 чакырымы жана Григорьевка – Көл–Кашка-Суу унаа жолунун 14 чакырымы жаңыланууда. Жалпысынан 35 чакырым жолду оңдоо пландалган.
Бүгүнкү күндө анын 18 чакырымына асфальт төшөө иштери толук аяктады.
Жол куруу иштери “Кыргызавтожол-Түндүк” мамлекеттик ишканасынын №7 Жол тейлөө ишканасы тарабынан аткарылууда.
Жолдун жаңыланышы аймакка келген эс алуучулардын агымын көбөйтүүгө, ошондой эле алдыда өтө турган VI Дүйнөлүк көчмөндөр оюндарынын иш-чараларын жогорку деңгээлде өткөрүүгө өбөлгө түзөт.
