Кыргызстанда эртеңден тарта электр энергиянын баасы өзгөрөт

Кыргызстанда 1-майда электр энергиянын баасы өзгөрөт. 

Учурда жарандар үчүн 700 кВт/саатка чейинки электр энергиянын бир киловатты – 1 сом 37 тыйын, 700 кВт/сааттан ашканда 2 сом 60 тыйындан турат. 

Эми майдан баштап бир киловатт 27 тыйынга кымбаттап, 1 сом 64 сомдон болот. 
Ал эми 700 кВт/сааттан ашса, 2 сом 94 тыйын туруп калат: баа 34 тыйынга көтөрүлөт. 

Бийик тоолуу жана алыскы барууга кыйын аймактарда жашагандар үчүн баа 1 сом 64 тыйындан болот. Аларга 700 кВт/саат деген чектөө жок. 

“Үй-бүлөгө көмөк” жөлөкпулун алгандар 700 кВт/саатка чейинки электр энергияга азыркыдай эле 50 тыйындан төлөйт. Бирок 700 кВт/сааттан ашканда жаңы 2 сом 94 тыйын деген тариф менен төлөй баштайт. 

Ошондой эле башка абоненттер үчүн тарифтер (бир киловатт үчүн жаңы баа): 

• Социалдык жана коомдук керектөөчүлөр – 4 сом 17 тыйын.
• Электр унааларды кубаттаган станциялар – 5 сом 99 тыйын.
• Өнөр жай керектөөчүлөрү – 3 сом 65 тыйын.
• Коммерциялык керектөөчүлөр – 4 сом 33 тыйын.
• Бюджеттик мекемелер – 4 сом 62 тыйын
• Электр энергияны көп колдонгон керектөөчүлөр – 6 сом 84 тыйын.