Кыргызстанда курулуштун көлөмү 62.2%га өстү

Кыргызстанда 2026-жылдын январь–сентябрь айларында курулуш иштеринин жалпы көлөмү 380 млрд сомду түздү. Бул өткөн жылдын ушул мезгилине салыштырмалуу 62.2%га көп. Бул тууралуу Улуттук статистика комитетинин алдын ала маалыматында айтылат.

Тогуз айда негизги капиталга салынган инвестициялар 68.5%га өсүп, 365.7 млрд сомго жетти. Анын 85%ы кен казуу, өндүрүш, транспорт, энергетика, билим берүү жана турак жай курулушуна багытталган.

Бул мезгилде бир катар социалдык жана инфраструктуралык объекттер курулду:

   ·  «Менин үйүм» программасынын алкагында 3 миң 217 батирдин курулушу аяктады;

   ·  33 мектеп, 3 оорукана, 17 амбулаториялык-бейтапканалык мекеме жана 37 бала бакча курулду;

   ·  Бир катар чакан ГЭСтер жана башка энергетикалык объекттер пайдаланууга берилди;

   ·  Балыкчы–Кочкор темир жолунун 63 чакырымдык бөлүгүнүн курулушунун биринчи этабы башталды;

   ·  Өндүрүш, логистика жана туризм тармактарында жаңы объекттер ишке кирди.

Мындан тышкары, 2026-жылдын октябрь айынын башына карата өлкө боюнча жалпы узундугу 1 миң 668 чакырым автомобиль жолуна асфальт төшөлдү.

Курулуш тармагы өлкөнүн ички дүң продукциясынын (ИДП) өсүшүнө 4.18 пайыздык пункт салым кошту. Ал эми ИДПнын жалпы түзүмүндөгү үлүшү 9.1%ды түздү.