Жарыяланган
2026-27-10, 11:45Кыргызстандыктар бир күндүн ичинде эки баласы менен курьер болуп иштеген энеге 7 миллион сом чогултуп беришти.
Баары социалдык тармактарда тараган жүрөктү ооруткан видеодон башталган: энеси буйрутма ташып жүргөндө, кичинекей кыз электромопеддин үстүндө уктап калган. Бул окуя колдонуучуларды кайдыгер калтырган жок.
Башкы каармандын аты — Ажар. Жолдошу менен эки жолго түшкөндөн кийин ал каржылык жардамы жана өз үйү жок эки баласы менен жалгыз калган. Күндүз бала бакчада айына 20 миң сом маянага иштеп, кечинде балдарын ээрчитип алып кошумча курьер болуп иштөөгө мажбур.
Окуя коомчулукка тарагандан кийин, Ажар үчүн Instagram социалдык тармагында өзүнчө баракча ачылып, жардам берүү үчүн реквизиттер жарыяланган. Бир эле күндүн ичинде кыргызстандыктар 7 миллион сом чогултуп беришти.
Жакынкы убакта үй-бүлөгө өзүнчө батир сатып алуу пландалууда. Ал эми балдарды жеке менчик бала бакчага акысыз кабыл алууга даяр экенин билдиришти.
