Кытай «Бедел» өткөрмө пунктун курууга көмөк көрсөтөт

Экономика министри Бакыт Сыдыков Кытай Эл Республикасынын Тяньцзинь шаарында кыргыз-кытай кызматташтыгын өнүктүрүүгө багытталган бир катар маанилүү документтерге кол койду. 

Кол коюу иш-чарасы ШКУга мүчө мамлекеттердин башчыларынын Саммитинин алкагында, Кыргыз Республикасынын Президенти Садыр Жапаровдун Кытай Эл Республикасынын Төрагасы Си Цзиньпин менен болгон жолугушуусунун жыйынтыгында ишке ашты.

Тараптар төмөнкү документтерге кол коюшту:

•  Гранттык жардам көрсөтүү боюнча макулдашуу;
• «Бедел» автожол көзөмөл-өткөрмө пунктун куруу жана техникалык жабдуу боюнча долбоордун технико-экономикалык негиздемесин жүргүзүү тууралуу макулдашуу;
• «Кыргызстандарт» менен Кытай Эл Республикасынын Мамлекеттик базарды көзөмөлдөө жана жөнгө салуу башкы башкармалыгы (SAMR) ортосунда өз ара түшүнүшүү жөнүндө меморандум.

Аталган документтер соода-экономикалык кызматташууну кеңейтүүгө, транспорттук инфраструктураны модернизациялоого, ошондой эле стандартташтыруу жана техникалык жөнгө салуу жаатындагы өнөктөштүктү бекемдөөгө өбөлгө түзөт.