Жарыяланган
2026-05-08, 09:50Өзгөчө кырдаалдар министрлигинин №86123 аскер бөлүгү куткаруучулар үчүн куткаруу жабдууларын жана электр шаймандарын сатып алууга 7 млн 644 миң 726 сомго тендер жарыялады. Бул тууралуу мамлекеттик сатып алуулар порталында маалымдалды.
Тендердин алкагында куткаруучулар үчүн авариялык-куткаруу шаймандары, электр аспаптары, байланыш каражаттары, генераторлор, ноутбуктар, планшеттер, медициналык жабдуулар жана башка керектүү техникалар сатып алынат.
Жеткирүүчүлөр акыркы эки жылда ушундай эле товарларды жеткирүү боюнча тажрыйбасын тастыктап, товарлардын техникалык мүнөздөмөсүн, сүрөттөрүн жана үлгүлөрүн көрсөтүшү керек.
Тендердик сунуштар 10-августка чейин кабыл алынат. Төлөм товар кабыл алынгандан кийин толугу менен жүргүзүлөт.
