Жарыяланган
2025-12-11, 15:45Быйыл январь–август айларында мамлекеттик бюджеттин 51.3%ы же 133.8 млрд сом социалдык-маданий чөйрөгө багытталды. Бул тууралуу Улуттук статистика комитетинин маалыматында айтылат.
Мындан тышкары, чыгымдардын 26.3%ы (68.6 млрд сом) — мамлекеттик кызматтарга, коргоо жана коопсуздукка, 21.9%ы (57.2 млрд сом) — экономикалык ишмердикке, ал эми 0.5%ы (1.2 млрд сом) — айлана-чөйрөнү коргоого жумшалды.
Өткөн жылдын ушул мезгилине салыштырмалуу, экономикалык ишмердикке кеткен чыгымдар 2.8 эсеге, мамлекеттик кызматтар менен коопсуздукка кеткен каражат 22.1%га, социалдык-маданий тармакка — 12.2%га өскөн. Айлана-чөйрөнү коргоого бөлүнгөн каражат тескерисинче 23.9%га азайган.
